Fréttir

 Útgefandi: Veðskuldabréfasjóður ÍV, kt. 541112-9950, Strandgötu 3, 600 Akureyri.

Veðskuldabréfasjóður ÍV hefur birt lýsingu í tengslum við umsókn um að skuldabréfaflokkurinn VIV 14 1 verði tekinn til viðskipta á skipulegum verðbréfamarkaði Nasdaq OMX Iceland hf.

Lýsingin er dags. 29. apríl 2015 og hefur verið staðfest af Fjármálaeftirlitinu. Hún er aðgengileg á slóðinni www.viv.is/is/um-viv - vefsíðu Veðskuldabréfasjóð ÍV, kt. 541112-9950. Rekstrarfélag verðbréfasjóða ÍV, kt. 491001-2080, Strandgötu 3, Akureyri, er rekstraraðili sjóðsins. Gert er ráð fyrir að fyrsti viðskiptadagur með skuldabréfin á hinum skipulega verðbréfamarkaði Nasdaq OMX Iceland hf., verði þann 30. apríl 2015.

Höfuðstólsfjárhæð útgefinna skuldabréfa flokksins er 3.000.000.000 kr. Heildarheimild útgáfunnar 7.252.200.000 kr. að nafnverði. Bréfin eru gefin út rafrænt í kerfi Verðbréfaskráningar Íslands hf. Auðkenni flokksins er VIV 14 1 og ISIN-númer skuldabréfaútgáfunnar er IS0000024818. Bréfin eru gefin út í íslenskum krónum og er hver eining 1 kr. að nafnverði.

Nánari upplýsingar um Veðskuldabréfasjóð ÍV og skuldabréfaflokkinn VIV 14 1 má finna í lýsingu sjóðsins. Umsjónaraðili vegna töku skuldabréfanna til viðskipta hjá Nasdaq OMX Iceland hf. eru Íslensk verðbréf hf., kt. 610587-1519, Strandgötu 3, 600 Akureyri.

Akureyri, 30. apríl 2015.